Алкараз е незапирлив - го суреди Лехечка и го освои трофејот во Квинс!

22 јуни 2025 - 17:26

Шпанскиот тенисер Карлос Алкараз се наоѓа во извонредна форма, а тоа го потврди со победата против Јиржи Лехчка со 2-1 во сетови, односно 7-5, 6-7 и 6-2 на турнирот во Квинс.

Алкараз одигра фантастичен натпревар, кој го почна со 7-5 во првиот сет, по што Лехечка му се реваншира во тај-брејкот во вториот сет (6-7), но затоа Шпанецот во третиот сет беше фуриозен и запиша победа во финалето.

Вториот тенисер во светот воедно стигна до 18 победа по ред, а воедно се закити со петтата титула во 2025 година и покажа дека е подготвен за напад на пехарот на Вимблдон.

Фото: EPA PHOTO