Почит на жртвите во Кочани се оддаде и на фудбалски натпревар во Шведска (ВИДЕО)

05 април 2025 - 16:29

Трагедијата која се случи во Кочани во која животот го загубија многу млади лица и понатаму е во мислите на сите Македонци, а сега почит кон настраданите оддадоа и клубовите на КСД Македонија и Преспа Бирлик од Шведска.

Станува збор за клубови кои се натпреваруваат во шестиот ранг во оваа земја, а се формирани од доселеници со потекло од Македонија во 60-тите години. Спикерот на натпреварот одржа и краток говор во кој ја најави минутата молк за жртвите во трагедијата.

На крајот средбата заврши со победа од 3-2 за екипата на Преспа Бирлик.