Динамо Киев го најави трансферот на Рамадани од Шкендија (ФОТО)

01 март 2023 - 15:20

Украинскиот гигант Динамо Киев го купува големиот талент на тетовска Шкендија, Решат Рамадани, 19-годишниот фудбалер, кој игра на позиција последен играч за врска и Украинците веќе го најавија трансферот на социјалните мрежи.

Рамадани е дете на Шкендија и младински македонски репрезентативец, кој од ланското зимо беше приклучен на првиот тим и има петгодишен договор со матичниот клуб, но брзо ги освои симпатиите во киевскиот гигант, особено после контролката во Анталија зимава на која Шкендија загуби минимално со 0-1.

Рамадани сезонава има 14 настапи на 19 меча за Шкендија.

Инаку неодамна се појавија информации дека на лето Динамо Киев ќе го купи и надобриот фудбалер на Шкупи, нигерискиот напаѓач Сандеј Адетунџи, кого скаутите го гледале и биле импресионирани во Анталија кога даде хет-трик против Жалгирис.