Се шири македонската колонија во Сараево - доаѓа и Несторовски

Пред трансфер во култниот босански клуб се наоѓа стрелецот на десет гола за нашата репрезентација Илија Несторовски кој сезоната ја почна во хрватскиот Славен Белупо и вчера учествуваше во победата со 2-1 на гостувањето кај Вуковар. Несторовски има 35 години, но се е исклучително почитуван во регионот, како резултат на одличните игри пред се во дресот на Интер Запрешиќ кога беше и најдобар стрелец во хрватското првенство.

Сараево летово направи целосен ремонт на својот тим, донесе неколку познати имиња од регионот, но во поодминати години меѓу кои и српскиот интернационалец Адем Љајиќ. Резултатите на почетокот на сезоната не се сјајни, екипата е на шестото место со седум бода, а минатата недела доживеа дебакл на гостувањето кај Борац Бања Лука кога загуби со 1-5.