Нови проблеми за Динамо: Ни Ристовски не игра!

22 декември 2024 - 12:20

Денеска од 13 часот Динамо на Максимир го пречекува Вараждин, а тренерот Ненад Бјелица се соочува со нови, големи проблеми.

На претходно повредените и суспендирани фудбалери им се приклучија уште четворица кои не се во комбинација за денешниот дуел. Меѓу нив е и македонскиот интернационалец Стефан Ристовски кој, според информациите од клубот, има висока температура и заедно со Батурина, Бочкај и Бернауер нема да играат против Вараждин.

Интересно е тоа што во меѓусебниот дуел, Динамо влегува со исто бодовно салдо како Вараждин (26 бода), а не смее да си дозволи нов кикс во момент кога е во серија од пет натпревари без победа.