Откриена причина за смртта на момчето на Сабаленка – славен хокеар од Белорусија!

19 март 2024 - 11:09

Смртта на белорускиот хокеар, Константин Колцов, кој имаше само 43 години, предизвика шок во светската спортска јавност, првенствено поради фактот што тој беше во долга романтична врска со една од најдобрите светски тенисерки, Арина Сабаленка.

Тој ѝ се придружил на својата девојка во Мајами, а последните информации велат дека причина за смртта е белодробна тромбо-емболија. Тоа е состојба во која згрутчувањето на крвта се одвојува од првобитното место и патува низ крвотокот предизвикувајќи оштетување на органите. Во моментот на смртта, Колцов беше помошник тренер во тимот Салавет Јулајев, а требаше да седне на клупата на Динамо Минск од следната сезона.

Легендарниот хокеар учествуваше на Зимските олимписки игри во 2002 и 2010 година и смени неколку клубови во КХЛ, а играше и за Питсбург пингвинс во НХЛ.