Синер за 59 минути го декласира Алтмајер за осминафинале во Виена

22 октомври 2025 - 21:42

Италијанскиот тенисер Јаник Синер се пласира во осминафинале на турнирот во Виена, откако за само 59 минути го декласира Германецот Даниел Алтмајер со 2-0 во сетови, односно 6-2 и 6-0.

Вториот тенисер на АТП-листата доминираше од самиот почеток на натпреварот, па му дозволи на ривалот да освои само два гема (6-2), додека во вториот сет беше уште подобар и стигна до убедливи 6-0.

Турнирот во Виена е од серијата 500 и се игра за награден фонд од 2.736.875 евра.