Синер го скрши Јубенкс на стартот на Ролан Гарос

27 мај 2024 - 14:10

Италијанскиот тенисер Јаник Синер без поголеми проблеми се пласира во второто коло на Ролан Гарос, откако за 131 минута го надигра Кристофер Јубенкс со 6-3, 6-3 и 6-4.

Синер тргна со два брејка во првиот сет и поведе со 4-1, по што Јубенкс успеа да се врати за момент на 3-4, меѓутоа Италијанецот стигна до 6-3.

Идентично беше и во вториот сет каде што Синер стигна до 6-3, додека во третиот сет го надигра со 6-4.

Синер во второто коло ќе игра против ветеранот Ришар Гаске, кој беше подобар од Борна Чориќ.