Синер-експрес: Првиот светски рекет со само седум загубени гема до осминафиналето

31 август 2024 - 21:45

Јаник Синер обезбеди пласман во осминафиналето од УС Опен откако вечерва за помалку од два часа го совлада Кристофер Оконел од Австралија со 3-0.

За доминацијата на Италијанецот најдобро зборува фактот што загуби само седум гема, а најмногу мака виде во вториот сет кој го доби со 6-4 за 51 минута. Освен тоа, на својот противник не му дозволи ниедна брејк-топка во целиот меч и по кратка постапка стигна меѓу 16. најдобри.

Таму би можел да го има првиот посериозен тест на УС Опен бидејќи потенцијален ривал му е Томи Пол, 14. носител на турнирот.