Шварцман по три часа борба си закажа финале против Ѓоковиќ во Рим

20 септември 2020 - 23:13

Аргентинскиот тенисер Диего Шварцман во неверојатен меч го совлада Денис Шаповалов со 6-4, 5-7 и 7-6 и во финалето на Мастерсот во Рим за титулата ќе игра против Новак Ѓоковиќ.

Полуфиналниот дуел меѓу Шварцман и Шаповалов траеше три часа и 12 минути, а 15. тенисер во светот по Рафаел Надал успеа да го совлада и незгодниот противник од Канада.

Ѓоковиќ досега играше четири пати против Шварцман, а дури четири победи запиша српскиот тенисер.