Историска промена на Вимблдон: Тенисерите ќе имаат можност да користат ново правило

22 март 2026 - 07:40

Организаторите на Вимблдон по многу години попуштија и решија за првпат оваа година да користат видео-технологија, која ќе биде поставена на шест терени.

„Би-Би-Си“ пишува дека нема да биде ограничен бројот на барања на тенисерите за проверка на одлуките на судиите, а прегледувањето на снимката ќе биде дозволено само на крајот на поенот.

Тенисерите ќе можат да оспорат одредени одлуки на главниот судија, како што можат да направат на други турнири.

Вимблдон оваа година ќе се одржи од 29 јуни до 12 јули.