Ѓорческа запрена во осминафиналето на челинџерот во Порто

Турската тенисерка до победата дојде за еден час и 42 минути игра, а најголема борба видовме во првиот сет, додека во вториот Аксу доминираше.

Тргна добро Ѓорческа и прва направи брејк со кој поведе 2-1, но веќе во наредниот ја изгуби предноста. Во продолжение одново нашата претставничка прва дојде до втор брејк во деветиот гем за водство од 5-4. Сепак, до крајот Аксу двапати го одзеде сервисот на Лина за освојување на сетот со 7-5.

Вториот сет целосно ѝ припадна на противничката на Ѓорческа која со два брејка го доби сетот со 6-2 за конечна победа.