Милев повторно замина на печалба, ќе игра во Унгарија!

29 јануари 2026 - 12:48

Македонскиот одбојкарски репрезентативец, Владо Милев одново ќе игра во странство, искусниот играч стави потпис на договор со унгарскиот тим, Казинбарчика.

Милев на паузата од првенството ја прекина соработката со актуелниот македонски шампион Струмица 47&72 каде ја извршуваше и функцијата претседател на клубот.

Македонскиот репрезентативец реши да потпише за клубот од Унгарија во кој и претходно има играно.

Милев го носеше дресот на Казинбарчика во периодот од 2017 до 2019 година, во тој период освои две шампионски титули и еден куп пехар.

Договорот е постигнат за до крајот на сезоната.