Ѓоковиќ: Му се восхитувам на Меси, првпат ме гледаше во живо

28 март 2025 - 21:57

Новак Ѓоковиќ одигра одличен меч и со 2-0 во сетови го победи Григор Димитров за пласман во финалето на турнирот во Мајами каде што ќе води битка за својата 100-та тиула во кариерата.

Мечот на Ѓоковиќ привлече дополнително внимание и поради тоа што на трибините беше Лионел Меси.

„Мило ми е што беше тука. За првпат играм пред него во живо и благодарен сум му што дојде. Му се восхитувам, како и поголемиот дел од светот. Неверојатно е што и понатаму игра, всушност, ние сме иста година, двајцата сме родени ‘87. година“, прокоментира Ѓоковиќ.

Пред Меси Ѓоковиќ посебно одличен беше на својот прв сервис и имаше процент од дури 87%.