Финале за Калин во Опатија: По голема борба го „реши“ Чехот Врбенски!

29 март 2025 - 12:53

Македонскиот тенисер Калин Ивановски ќе игра финале на ИТФ фјучерс турнирот во Опатија откако денеска во полуфиналето го совлада третиот носител на турнирот Михаил Врбенски. Мечот траеше  два часа и 37 минути, Ивановски славеше по голема борба со 2-1 во сетови (4-6, 6-3, 3-6).

Ивановски во првиот сет направи еден брејк во третиот гем и тој се покажа како доволен за да го освои сетот и да поведе со 1-0. Еден брејк видовме само и во вториот ет, но сега тој беше во корист на чешкиот тенисер и до него дојде во вториот гем.

Сличен беше развојот на настаните и во третиот гем каде што брејкот во шестиот гем за Ивановски беше доволен за конечна победа.

Турнирот во Опатија е со награден фонд од 15.000 долари. Противник на Ивановски во финалето ќе му биде Хрватот Микрут кој во Опатија беше прв носител и на крајот успеа да дојде и до финалето.