Чудо во Австралија: 15-годишна Американка ја „нокаутираше“ шампионката

24 јануари 2020 - 12:18

Американската тенисерка Кори Гауф ја елиминираше актуелната шампионка на Австралијан опен, Наоми Осака со 2-0 во сетови, односно 6-3 и 6-4.

Осака во текот на мечот не личеше на себе со играта, па 15-годишната Гауф ги користеше сите шанси кои ги доби. Во првиот сет направи еден брејк со што лесно славеше со 6-3, по што вториот почна со по еден брејк на двете страни, а на крајот Американката го реши мечот во своја корист.

Од почетокот до крајот Јапонката мораше да се брани, додека од друга страна Гауф лесно ја „кршеше“ поискусната противничка и така стигна до една од најголемите победи во кариерата досега.