Алкараз направи измени во стручниот штаб - има нов тренер

Неговиот досегашен тренер Хуан Карлос Фереро останува, но ќе му се придружи Самуел Лопез кој досега беше тренер на Пабло Карењо Буста. Двајцата ќе работат паралелно со тоа што на некои турнири ќе бидат заедно, а на некои само еден од нив.

„Она што ме натера на промена беше разговорот со Фереро. Негова беше идејата да му се придружам на тимот, тоа го знаеше и Пабло, но додека бев со него, се беше ставено на чекање. Бев подготвен да работам со Карењо Буста уште една година, но во последен момент работите се променија“, објасни Лопез.

Новата сезона Алкараз ќе ја почне со Австралија Опен каде покрај него ќе биде Фереро. Понатаму, на февруарските турнири се приклучува Лопез, а заедно ќе бидат на Вимблдон и УС Опен.