Македонските каратисти во нов поход кон освојување на Европа
Пуликсенија Јовановска и Фери Исиќ ќе настапат во кати, додека пак во борби списокот на натпреварувачи е пообемен, со оглед на тоа што освен во поединечна конкуренција, македонските репрезентативци ќе настапат и екипно.
Сара Радичевска, Симона Заборска, Наташа и Моника Стефановски, ќе ги придружуваат каратистите од машкиот тим.
На листата репрезентативци се и нашите најтрофејни натпреварувачи, предводени од актуелниот европски шампион Емил Павлов, медитеранскиот шампион Берат Јакупи и освојувачот на бронзен медал од Медитеранските игри, Жарко Арсовски. Покрај нив, се и Азис Исмаил, Петар Спасеновски и Доан Османи, како и најмладиот Фахик Весели, освојувачот на бронзениот медал на Младинските олимписки игри минатата година.
На пресот пред заминувањето селекторите во борби Сашко Арсовски и Бошко Заборски, и селекторот во кати Стојан Андриевски, изјавија дека веруваат во квалитетите на нивните избраници и очекуваат дека и овој пат поголемиот дел од нив ќе се најдат на победничкиот подиум.
КОМПЛЕТНА ЛИСТА НА МАКЕДОНСКАТА РЕПРЕЗЕНТАЦИЈА
Кумите машки:
Емил Павлов - 60 килограми
Берат Јакупи - 84 кг.
Фахик Весели - 68 кг.
Жарко Арсовски - 84+ кг.
Азис Исмаил - 75 кг.
Кумите женски:
Наташа Стефановска - 61 кг.
Сара Радичевска - 50 кг.
Симона Заборска - 55 кг.
Моника Стефановска - 68 кг.
Екипно:
Доан Османи - 75 кг.
Петар Спасеновски - 84 кг.
Кати:
Фери Исиќ
Пулeксенија Јовановска