Норвешка ја распарчи Шведска и се утеши со бронза на ЛОИ

08 август 2021 - 08:47

Фаворитот за златен медал на ракометниот турнир на Летните олимписки игри (ЛОИ) во Токио, Норвешка мораше да се утеши со бронзен медал откако ја декласираше Шведска со 36-19.

Норвежанките одиграа одличен натпревар во кој постојано ја имаа контролата врз мечот и во првото полувреме на нивните противнички им дозволија да постигнат само седум гола (19-7), по што беше јасно кој ќе го освои бронзениот медал.

Најдобри во победата на Норвешка беа Дале и Мерк со по осум погодоци, додека кај Шведска по четири гола постигнаа Вестберг и Карлсен.