Бразил потврди дека не е случајно во четврт-финале: Победи и против Шпанија!

26 јануари 2025 - 19:34

Ракометарите на Бразил се едно од најпријатните изненадувања на Светското првенество, а денеска иако претходно го обезбедија пласманот во четврт-финалето славеа уште една победа и тоа против Шпанија со резултат 25-26.

Бразил имаше водство речиси во комплетниот натпревар, иако тоа најчесто беше два-три гола разлика, па на крајот заслужно се радуваа на победата. Шпанија само еднаш поведе на натпреварот и тоа во второто полувреме со 16-15. 

Во четврт-финалето Бразил поминува како второплаиран во групата со осум бода зад Португалија која со девет е лидер. Следат Норвешка (4), Шведска (4), Шпанија (3) и Чиле (0).

Бразилците во четврт-финалето ги чека најтешкиот предизвик досега на првенството бидејќи ќе играат против Данска која игра уште едно одлично првенство.

Важна победа во истиот термин забележа Египет против Зеленортски Острови и на тој начин Египкќаните обезбедија место помеѓу најдобрите осум. Вториот патник од оваа група ќе биде еден од Исланд и Хрватска. Исланд претходно денеска победи против Аргентина, па Хрватите во четврт-финалето ги води само победа против Словенија вечерва.