Томовски: Нека што Египет е квалитетен, ние му дозволивме да игра така!

Ецна од најсветлата точка во македонската репрезентација на ракометниот Мундијал во Египет се голманите. Мартин Томовски имаше седум интервенции во вчерашниот дебакл против Египет, меѓутоа и тоа не беше доволна пречка да примиме 38 гопа.

Младиот голман на Лудвигсхафен доволно е зрел за да знае дека ова е екипен спорт и неговиот блесок, не е доволен да го осветли тимското бледило. Потенцира дека им недостига некоја искра на теренот.

„Сите сме дел од ова, не е важно што јас имав интервенции. Тука сме како тим и се надевам дека со Чиле ќе влеземе поагресивно и поангажирано. Ни недостига жар, ни недостига желба. Египет е квалитетна екипа, но ние им дозволивме така да се однесуваат. Мораме да се консолидираме денеска и добро да се подготвиме и да го дадеме најдоброто од нас утре“, рече Томовски

На утрешниот натпревар со Чиле, од 15.30 часот, Македонија оди на победа, која ќе значи пласман во втората фаза од првенството.