Томовски: Овие натпревари ќе бидат од големо значење за нас помладите!

На дуелите кои ќе се одиграат во Турција, селекторот Данило Брестовац ќе излезе на терен со подмладен состав против домаќинот и Италија, а меѓу повиканите е и Мартин Томовски.

Овие натпревари дефинитивно за нас помладите ќе бидат од големо значење, бидејќи добиваме шанса која треба да ја искористиме максимално. Турција е одличен противник, зборувам за првиот натпревар, се работи за солидна селекција. Имавме два меча во квалификациите, каде на гости среќно победивме, а потоа победивме и во Битола. Се познаваме со соиграчите, верувам дека сета енергија што ја имаме и фактот дека добро се знаеме, ќе ни биде од голема корист, изјави Томовски.