Тешка група за ракометарките до 20 години
Нашите надежи ќе играат во групата 4, со Германија, Исланд и со Литванија, а место на ЕП ќе има само првопласираната репрезентација во групата. Ќе се игра турнирски, од 23 до 25 март 2018 година, а домаќините на турнирите на седумте групи дополнително ќе бидат потврдени.
Приоритет да го организираат турнирот добија селекциите од третиот ред, во нашиот случај Исланд, а ако тие отстапат, следна е Германија, па дури потоа Македонија.
Наша несреќа е што не сме извлечени во некоја од групите 1 или 2, каде што на ЕП се пласираат првите две селекции. Загарантирано место веќе имаат Франција, Русија и Данска, како три најдобри селекции од претходниот евро-шампионат на оваа генерација и Унгарија како домаќин. Првенството ќе се игра од 1 до 15 јули.