Савевски скрати пет имиња, со 30 ракометарки против Црна Гора

24 септември 2021 - 18:29

Македонската женска ракометна репрезентација ќе содржи 30 ракометарки на подготовките за пријателскиот двомеч со Црна Гора, во октомври.

Селекторот Љубомир Савевски скрати пет имиња од првичниот, поширок список: Николиќ од Металург, Јанкуловска од Пелистер, Тошевска од Вардар, Пешиќ од Гитерслох и Богоеска од Деспина. 

Подготовките ќе почнат на 30 септември со 21 ракометарка од домашните клубови, а деветте интернационалки ќе допатуваат три дена подоцна..

Со Црна Гора играме на 7 октомври во Скопје и на 10 во Подгорица.. Тоа е термин за ЕХФ-неделата, во кој останатите европски селекции ќе ги почнат квалификациите за Европското првенство во 2022 година, на кое Македонија е директно пласирана како кодомаќин, со Црна Гора и со Словенија.