Само Македонија ќе нема бод во новата група: Словенија подобра од Белорусија, дербито за - Шведска
После комплетирање на групите денеска, Шведска ќе има 4 бода, Русија влегува со три, Словенија и Египет со по два, Белорусија со еден, а Македонија без бод.
Словенија со серијата од 4-0 во воведниот период од второто полувреме за да исчекорат кон триумфот и од ремито 18-18 да стигнат до 22-18, па Белорусија потоа само бркаше разлика која најмногу што успеваше е да се приближи на само гол негатива, но Словенија успеваше да се врати на пристојна предност и да победи на мечот. Русија со три бода оди во вториот круг, Словенија пренесува два, а Белорусија еден од ремито на стартот со Русите.
Блаж Јанц даде осум гола, а Јуре Доленец погоди седумпати и овој двоец беше предводник на Словенија за триумфот против Белорусите во мечот на кој беа фаворити.
Шведска го доби дербито со Египет иако на полувреме имаше минус три (9-12), а Египет имаше најголеми плус четири (10-14) на стартот на вториот дел по што Шведска набрзина успеа да им ја стопи негативата со серија 5-1 за да стигне до 16-16, а потоа во завршницата постојано да биде со гол предност и на крајот да триумфира.
Персон со осум гола и Ване со пет беа најдобри стрелци кај Шведска, Санад даде осум, а Омар шест за Египет.
Шведска со четири бода, а Египет со два одат во следната фаза додека Македонија е единствена без бод во следната рунда.
Во другите два меча Португалија го победи Алжир со 26-19, а Франција ептен тесно со 25-24 славеше против Швајцарија