Ракометарите до 18 години ги добија противниците на младинските Медитерански игри

15 февруари 2020 - 17:21

Машката ракометна репрезентација до 18 години денеска на ждрепката ги доби противниците за младинските Медитерански игри во Атина од 17 до 22 февруари.

Македонија е во групата Б заедно со Шпанија, Тунис, Турција, Хрватска, Црна Гора и Мароко, додека групата А е составена од Романија, Кувајт, Бахреин, Србија, Грција, Египет и Саудиска Арабија.

Ракометарите возбудувањата ги почнуваат на 17 февруари, кога најпрво играат против Шпанија од 14.30 часот, а потоа од 18.45 ќе се соочат против Мароко.

Следниот ден ги очекуваат дуелите против Тунис од 12 часот, а потоа од 15.45 ќе се пресметаат со Хрватска, по што на 19 февруари следат дуелите против Црна Гора од 12 часот и против Турција од 17 часот.

Првите четири најдобро пласирани екипи се пласираат во четвртфиналето на младинските Медитерански игри.