Марко Митев доживеа тешка повреда и со количка беше изнесен од теренот

Македонскиот репрезентативец Марко Митев мораше да го напушти теренот во Копер кон средината на натпреварот против Словенија.

Бекот на Алкалоид доживеа тешка повреда при еден продор кон противничкиот гол кога неговата нога „пропадна“ и поради тоа постојат сомнежи дека се работи за тешка повреда, можеби и на лигаментите.

Откако му беше укажана лекарска помош, Митев со количка беше изнесен од теренот, а детални информации за неговата состојба најверојатно ќе има по мечот.