Македонија од вториот барабан во Лисабон ќе ги добие ривалите во квалификациите за ЕП 2028!

16 март 2026 - 12:35

Македонската ракометна репрезентација за десетина дена (26 март) ќе ги дознае противниците во квалификациите за Европското првенство 2028, кое ќе се одржи во Шпанија, Швајцарија и Португалија, соопшти Европската ракометна федерација (ЕХФ).

Нашите ракометари, според ранкингот, ќе се најдат во вториот шешир, заедно со селекциите на Австрија, Холандија, Фарски Острови, Србија, Полска, Чешка и Италија. Тоа значи дека овие селекции не можат да паднат во иста група со жолто-црвените.

Ждрепката ќе се одржи во Лисабон (19 часот)м а во квалификациите ќе учествуваат вкупно 32 репрезентации, поделени во осум групи. Пласман на контненталниот собир ќе обезбедат најдобрите 24 селекции.

БАРАБАНИ ЗА КВАЛИФИКАЦИИ ЗА ЕП 2028

ПРВ БАРАБАН: Германија, Хрватска, Исланд, Шведска, Франција, Норвешка, Унгарија, Словенија

ВТОР БАРАБАН: Македонија, Австрија, Холандија, Фарски Острови, Србија, Полска, Чешка, Италија

ТРЕТ БАРАБАН: Литванија, Босна и Херцеговина, Белгија, Грција, Украина, Романија, Грузија, Црна Гора

ЧЕТВРТИ БАРАБАН: Естонија, Летонија, Турција, Косово, Луксембург, Израел, Финска, Словачка