Георгиевски „леташе“ во воздух за збогум од дресот на Македонија (ВИДЕО)

30 април 2023 - 19:50

Долгогодишното крило на Македонија, Гоце Георгиевски го одигра денеска последниот меч во црвено-жолтиот дрес и со последниот гол за заверка на победата против Турција со 30-27, се прости од националниот дрес.

Откако со солзи го дочека крајот на мечот, потоа ракометарот на Вардар се најде во рацете на соиграчите кои го фрлаа во воздух, за да го испратат во репрезентативната пензија, но и на еден начин пред цела македонска јавност сите да му се заблагодарат за сѐ што направи во изминатата повеќе од деценија за македонскиот репрезентативен ракомет.