Популарни цени на билетите за историското финале меѓу Алкалоид и АЕК во Скопје

16 мај 2025 - 17:02

Алкалоид в недела го игра првиот финален меч против АЕК во Европскиот куп на ЕХФ, додека реваншот е закажан за една недела подоцна, односно на 25 мај во Скопје, а веќе се познати и цените на билетите.

Билетите за реваншот од финалето во Европскиот куп, кое се игра на 25 мај во салата „Борис Трајковски“ во Скопје, ќе се продаваат по цена од 200 и 300 денари.

Продажбата на билетите ќе се реализира преку продажната мрежа на „МКТикетс“, а истата ќе почне в понеделник, 19 мај, во 13 часот.

Да потсетиме, првиот натпревар меѓу Алкалоид и АЕК се игра во Атина на 18 мај (недела) од 18 часот.