Официјално: Пелистер ќе игра во ракометната Лига на шампионите!

21 мај 2023 - 18:10

Новиот македонски ракометен шампион Пелистер и официјално ќе биде дел од идната сезона во Лигата на шампионите, како македонски претставник, после една година во која нашиот ракомет немаше свој клуб во европската елита, поради суспензијата што лани Вардар ја доби за финансиски долгови.

Пелистер сезонава дојдоа до шампионската круна, прва за битолчани после 18 години, па Македонија имаше едно место во групите кое го пополнуваат и повторно елитниот европски ракомет ќе се игра со македонски тим.

Најтрофејниот македонски клуб Вардар е двоен освојувач на Лигата на шампионите во 2017 и 2019 година, но поради долгови од минатото лани иако како првак имаше место, беше суспендиран од европската федерација ЕХФ, па првпат после долг период Македонија немаше клуб во елитното друштво.