Митревски повторно е шампион на Португалија

04 јуни 2023 - 13:24

Македонскиот ракометен голман Никола Митревски повторно стана шампион на Португалија, откако синоќа Порто славеше со 33-25 против Мадеира и го потврди првото место во првенството.

Порто со новата победа стана недостижен за најголемиот ривал Спортинг, а воедно ја потврди и петтата титула по ред во шампионатот и трета по ред за македонскиот голман.

Митревски и неговите соиграчи следната недела ќе се борат и за трофејот во португалскиот Куп.