Прв пораз на Ангеловски на клупата на Таџикистан

23 септември 2026 - 21:16

Репрезентацијата на Таџикистан загуби со 0-1 од Азербејџан во пријателски натпревар, одигран денеска во Баку.

Натпреварот долго време беше без голови, а решавачкиот момент се случи во 58. минута. Таџикистанскиот голман Олег Баклов лошо реагираше и ја затресе сопствената мрежа, па Азербејџан стигна до водство и подоцна победа со 1-0.

До крајот на средбата немаше нови погодоци, па домаќинот ја задржа минималната предност и ја запиша победата во оваа репрезентативна проверка. Селектот на Таџикистан е македонскиот стручњак Игор Ангеловски кој во третиот натпревар го доживеа првиот пораз откако во јуни оствари победа и реми против Индија.

Покрај денешниот натпревар, Таџикистан во овој прозорец на ФИФА ќе одигра уште два натпревара - против Палестина на 28 септември и Кина на 6 октомври, двата на гостински терен.