Македонија денеска го игра најважниот натпревар на Европското првенство

Во првото коло Македонија стартуваше со убедлив пораз против големиот фаворит Шведска, но уште од самиот старт фокусот на сите во нашиот табор е ставен на денешниот дуел.

Селекторот Грчески во изјавата пред првенството посочи дека токму со Турција треба да ја бараме нашата шанса за победа и обезбедување на третото место, доколку до крајот на групната фаза нема изненадувања. Слично размислуваше и нашата најдобра ракометарка, Сара Ристовска.

Во вториот натпревар од денешната програма во нашата група денеска се соочуваат селекциите на Шведска и Унгарија, а тоа е дуел на две селекции кои посакуваат висок пласман на првенството. Турција првенството го стартуваше со пораз од Унгарките со шест разлика (24-30).

Кога се меѓусебните натпревари во прашање, Македонија нема позитивен биланс и во последните пет средби со Турција имаме само една победа. Единствената победа против денешниот противник ја остваривме во квалифкациите за Светското првенство во 2018 година (23:30).

На следните четири натпревари кои три беа од пријателски карактер и еден на Медитерансите игри во 2023 година славеше Турција.