Гарабаја: Сегед има фантастичен состав, но Пелистер ќе игра за да – победи!

Гостите важат за фаворити со скор „три од три“, но битолчани веруваат дека домашниот терен и атмосферата ќе бидат значајно оружје во обидот за изненадување. Тренерот Рубен Гарабаја потенцира дека ги очекува тежок и физички интензивен дуел.

„Сегед располага со исклучително квалитетни ракометари на секоја позиција. Одбраната им е цврста, имаат силен шут од дистанца, одличен голман и од едно од најдобрите крила во ЛШ. Но, ние ќе се обидеме да ја наметнеме нашата игра и да ја искористиме предноста дома. Ракометарите ќе дадат максимум и фановите ќе видат тим што се бори за победа,“ истакна шпанскиот стратег.

Големо засилување за пелистерци е враќањето на голманот Саид Хаидарирад, кој бргу се опорави од повредата.

„Медицинскиот тим направи одлична работа и сега сум целосно фокусиран на натпреварот. Секој противник има проблеми во нашата сала, атмосферата создава притисок. Верувам дека сме во подем, тренираме добро и имаме позитивна енергија. Сегед има искусни играчи и мечот ќе биде тежок, но ние веруваме во себе,“ изјави Хаидарирад.

Пелистер во првиот меч сезонава го совлада Загреб на домашен терен, по што влезе во серија од пет порази.