ЕХФ се поклони пред фантастичниот Вардар – го издвои цепелинот на Малус и Хориха (ВИДЕО)

03 декември 2025 - 12:04

Екипата на Вардар одигра фантастично второ полувреме со кое го скрши отпорот на Тулуз (37-35) во синоќешниот меч на домашен терен, последен од првата фаза од Европската лига, со што само го зацементира пласманот во главната рунда.

Играта на црвено-црните и пред сѐ атрактивните потези на ракометарите на македонскиот тим го привлекоа вниманието дури и на луѓето од Европската ракометна федерација (ЕХФ).

На социјалните мрежи на европската Куќа на ракометот беше потенциран цепелинот помеѓу Малус и речиси сигурно новиот македонски репрезентативец, Хориха, за кој е побарано мислење од фановите за најпрецизен збор со кој може да се опише оваа мајсторија.