Вардар и Алкалоид му оддадоа почит на Доне Бошковски! (ФОТО)

24 септември 2022 - 19:41

Откако спортската јавност во Македонија претпладнево се шокира од ненадејната смрт на Андон Бошковски, најмалку што можеа да направат екипите од ракометната Суперлига е да му одадат почит со минута молчење.

Меѓутоа, на дербито на колото, меѓу Вардар и Алкалоид, ракометарите на Вардар и на Алкалоид на терен се појавија со маици на кои пишуваше „Почивај во мир Доне“.

Бошковски почина на 47-годишна возраст, а целата своја кариера ја посвети на ракометот и како помошник во репрезентацијата и како прв тренер на повеќе македонски суперлигаши.