Уште еден вардарец отиде во Битола – Димитриоски потпиша за Е. Пелистер 2

20 јули 2021 - 15:24

Уште еден вардаров ракометар заврши во Битола, откако после голманот Марко Кизиќ кој потпиша за Еурофарм Пелистер, за вториот тим на битолчани сега потпиша повременото македонско репрезентативно крило Димитар Димитриоски.

Младиот Димитриоски си заминува од Вардар откако црвено-црните за новата сезона го ангажираа Јан Чувара, како бекап за Тимур Дибиров на лево крило. Тој потпиша едногодишен договор со Еурофарм Пелистер 2 и веќе се приклучи во тимот на Александар Јовиќ, со тоа што во новата сезона ќе игра на позиција среден бек, а не на крило.

Димитриоски лани ја освои двојната круна со Вардар, а пред да дојде во црвено-црните пет години беше дел од Металург, прво во Металург јуниор, а потоа и во првиот тим на металурзите.