Старт за мерак од ракометниот плејоф - Вардар го пречекува Алкалоид!

Натпреварот во „Јане Сандански“ носи големо внимание, бидејќи се соочуваат две екипи со високи амбиции, подготвени за нова борба за титулата, а вардарци ќе ја имаат предноста на домашен терен, каде што се очекува солидна поддршка од трибините. Црвено-црните влегуваат во завршната фаза од шампионатот со два бода, исто како и нивниот вечерашен ривал, Алкалоид, кој во последните сезони го зголемува своето влијание на македонската ракометна сцена.

Во првата фаза од лигата, Вардар го освои второто место, додека Алкалоид заврши како третопласиран. Пред нив е Пелистер, кој има бод повеќе и утре ќе го започне плеј-офот со дуел против Тиквеш. Покрај дербито во Скопје, денешната програма нуди уште еден плеј-оф натпревар, во кој Бутел ќе се соочи со Охрид.