Пролет го испрати во пензија својот најискусен ракометар

11 јуни 2024 - 10:59

Најискусниот ракометар од редовите на Пролет, Дејан Пецаковски одлучи да се повлече од активното играње ракомет.

Пецаковски дресот на Пролет го носеше од 2020 година, а сега на 38 години одлучи да замине во спортска пензија.

Клубот му изрази благодарност за придонесот во изминатите годините, а претседателот Кадиевски и директорот Огњеновски го испратија со благодарница на последниот тимски собир.

Низ кариерата искусниот ракометар настапуваше за Металург, Пелистер, Вардар, Зомимак, Макс Струмица...

Имаше краток престој и во Клуб Африкан од Тунис, додека дресот на македонската репрезентација го носеше на 26 натпревари во кои постигна 29 гола.