Пелистер со писмо до РФМ: Погрешивме што го доигравме мечот со Вардар (ФОТО)

29 март 2023 - 12:39

Македонскиот шампион Вардар го доби ракометното дерби против Пелистер со 31-24, но дуелот беше прекинат на средината на првото полувреме поради инцидентот кој го предизвикаа навивачите.

Битолчани денеска испратија писмо до Ракометната федерација на Македонија (РФМ) во кое ги наведоа пропустите кои се случиле во СЦ „Јане Сандански“ и порачаа дека згрешиле што го доиграле мечот со Вардар.

Од таборот на Пелистер сметаат дека натпреварот требало да биде прекинат кога на терен влегле дел од навивачите, а исто така испратија критика до Вардар дека не се оградил од однесувањето на дел од фановите.