Пелистер се збогуваше со четворица ракометари: Битола секогаш ќе биде ваш дом!
Пелистер го напуштаат Илија Абутовиќ, Усама Хосни, Богдан Радивојевиќ и Домен Тајник, сите со пелистерци освоија две титули шампион на Македонија и еден Суперкуп.
„ Спортските разделби се емотивни, посебно кога се последица на нови проекти, нови почетоци, нови предизвици. Но, кога веќе мора и треба да се случат - ќе ги паметиме многубројните добри спомени, освоени трофеи, постигнати голови, склучени пријателства. Битола и Пелистер ви е благодарен од срце и наклон до под! Нашиот дом секогаш ќе биде и ваш дом“, порачаа од Пелистер.
Ќе потсетиме, Пелистер сезонава остана без титула на домашна сцена откако купот и првенството ги освои најголемиот ривал на битолчани, екипата на Вардар.