Пелистер 2 се засили со француски десен бек

09 јули 2025 - 19:35

Македонскиот ракометен тим Пелистер 2 денеска го промовира најновото засилување, а тоа е францускиот десен бек Баптист Одифред.

Одифред во кариерата играше за Дижон и Безансон во Франција, а потоа ги носеше дресовите на Диферданж од Луксембург и Даидо Стил од Јапонија, додека со Пелистер потпиша двегодишен договор.

Ракометарот е висок 199 сантиметри и треба да биде големо засилување и во напад и во одбрана на битолчани.