Бутел ѝ пресуди на Струга за да им се врати на победите во Суперлигата

15 октомври 2025 - 20:41

Ракометарите на Бутел триумфираа со 30-27 против Струга во осмото коло од македонската Суперлига.

Струга даваше голем отпор во првото полувреме на мечот во Скопје и резултатот на паузата беше 13-13, по што Бутел направи чекор напред кон победата во вториот дел.

Бутел успеа да поведе со 24-19, по што Струга до крајот успеа само да го ублажи поразот (27-30).

Најдобар стрелец кај скопската екипа беше Филип Николов со 10 голови, додека Наум Костов запиша 12 погодоци за Струга.