Венеција се мајтапеше со „Тик Ток“, па добија барање да го избришат постот (ФОТО)

03 јули 2022 - 14:40

Италијанскиот калчолигаш Венеција во овој празен период реши да се мајтапи со ултрапопуларната мрежа „Тик Ток“, преку својот твитер-профил на англиски јазик, но сите во клубот останале шокирани од експресната реакција и барање што им стигнала како одговор.

Венеција на твитер-профилот објави информација дека отвориле профил и на Тик Ток.

„За жал, на 'Тик Ток' сме. Ако имате 12 години, следете нѐ таму“, објавила Венеција.

Брзо после тоа им стигнала реакцијата која ги оставила сите – без зборови.

„Неверојатно е дека од 'Тик Ток' ни пратиле мејл и бараа да го избришеме овој твит“, објавија од Венеција.

Овој клуб во минатата сезона играше во Серија А, но не успеа да го сочува статусот во елитата.