Куманово ја победи Струга во дербито за опстанок!

01 март 2026 - 20:22

Ракометарите на Куманово извојуваа многу значајна победа над Струга со која се борат за опстанок во македонската Суперлига, кумановскиот тим славеше убедливо со 30-20.

Мечот тргна изедначено, се играше гол за гол во првите 20 минути. Беше 8-8 кога се случи една голема серија од 5-0 за Куманово по која домаќините заминаа на одморот со водство од 13-8.

Во второто полувреме Куманово не само што го задржа водството туку успеа да го зголеми за уште пет гола и на крајот да слави со убедливи 30-20.

Со оваа победа Куманово има девет бода, два повеќе од Стурга која е претпоследна на табелата. Радовиш сигурно ќе испадне од лигата, а тој над нив ќе игра бараж со вториот од Прва лига. Засега тоа се стружани.