„Македонија ќе ни биде инспирација за Украина да оди на Мундијалот во Катар“
И ако Украинците пред војната можеби важеа и за фаворити, прекинот на фудбалот и фактот само дека интернационалците се во вистински фудбалски ритам, сериозно ги намалија шансите, па според еден од најпознатите тренери и стручњаци на Украина, Олег Федорчук оваа земја ќе се обиде со „македонска инспирација“ да стигне до Мундијалот.
„Единствено добро во ситуацијата е што имаме шест до осум 'легионери' кои играат во странство и тоа добро – Зинченко, Малиновски, Зубков, Јаремчук, Собол, Коваленко, Јармоленко и Миколенко. Но, 60-70 отсто од репрезентативците не се во ритам, но треба да се надеваме и да веруваме. Во еден меч сѐ може да се случи, но сепак нашите шанси се далеку помали во однос на тоа пред да почне војната. Тешко е да одржиш форма кога немаш првенство. Ама, без оглед што шансите се намалени, ништо не е невозможно во фудбалот. И Македонија ни е најдобар пример и инспирација. Сите видовме што се случи во Италија, никој не очекуваше такво нешто, најмалку Италијанците. И јас се надевам дека можеме како Македонија да победиме, да го изодиме нивниот пат“, вели Федорчук.