Трикратен шампион со МЗТ Скопје ќе го спасува тимот на Дражен Петровиќ!

23 март 2022 - 22:01

Дресот на екипата на Шибенка, која на светската кошаркарска мапа е позната како матичен клуб на еден од најголемите на сите времиња, Дражен Петровиќ, ќе го носи српскиот ветеран Стефан Синовец, кој е добро познат и во македонските кошаркарски кругови по настапите во дресот на МЗТ Скопје.

Белграѓанецот четири сезони со мали прекини го носеше дресот на „аеродромци“, со кои дојде до три шампионски титули, а има победи во АБА-лигата и настап на завршниот турнир од Евролигата со тимот на Партизан.

„Отсекогаш сакав да настапувам за екипа од Далмација, а кога ја добив поканата од Шибенка, воопшто не размислував. Ова е клуб со богата историја, за кој настапувал големиот Дражен Петровиќ, чиј роден град е Шибеник“, изјави Синовец.

Србинот уште има настапувано за унгарските тимови Шолнок и Капошвар, како и за литванските Лиеткабелис и Лиепаја.