„ Нема поим за тактика и зборува глупости“

07 февруари 2019 - 14:35

Германскиот гигант Баерн Минхен се соочува со сериозни проблеми сезонава, а дополнителен притисок на Баварците им прават и поранешните играчи на Баерн, кои постојано критикуваат некои фудбалери од актуелниот погон од клубот. Еден од нив е Дитмар Хаман, кој константно испраќа „отровни стрели“ кон полската напаѓачка ѕвеза Роберт Левандовски.

Дитмар Хеман објави дека Роберт Левандовски не дава никаков придонес во играта на баварскиот тим и дека Баерн ќе се прероди ако Полјакот биде продаден. На овие коментари, Левандовски реши да одговори и да го спушти на земја легендарниот баварски фудбалер.

„ Секогаш сум фокусиран на мојата работа. Натпреварите од купот се секогаш тешки за играње, но најважна е победата. Не ме интересира што некој зборува за мене, особоено ако е тоа некоја глупост. Мислам дека Хеман не знае многу за тактиката“, оштар беше одговорот на Левандовски