Мартинез прими три гола на дебито, Челси сепак победи! (ВИДЕО)

30 август 2026 - 16:57

Фудбалерите на Челси одиграа уште еден ефикасен натпревар и ја запишаа втората победа сезонава откако на свој терен денеска го совладаа Брајтон со 4-3.

Избраниците на Чаби Алонсо тргнаа фуриозно од самиот старт, па Лавија го отвори резултатот уште во четвртата минута, а во следните 30 минути и уште двапати се тресеше мрежата на гостите. Прво Нето зголеми на 2-0, па Жоао Педро се погрижи за 3-0.

Сепак, Брајтон не се откажа и преку Јалкује намали на 3-1 и тоа беше резултатот по првите 45 минути.

Во второто полувреме во 63-тата минута Жоао Педро си постигна и автогол откако по ударот на Грос топката го измами Мартинез кој денес дебитираше на голот на Челси и заврши во мрежата. Палмер на 15 минути пред крајот ја врати предност од два гола за Челси за во самата завршница да бидат поставени конечните 4-3 и повторно во центарот на вниманието беше Грос кој сега се запиша во листата на стрелци.

Ќе потсетиме, Челси во минатото коло исто така беше ефикасен и со 3-2 го доби Фулам. Во останатите два натпревари во истиот термин Лидс и Брентфорд ремизираа 1-1, додека Сандерленд со 1-0 беше подобар од Фулам.